ማስረጃ አሰጣጥ

የማስረጃ አሰጣጥና ክትትል ቡድን መሪ ተግባርና ኃላፊነት

ተጠሪነቱ ለህግና ቴክኒክ ጉዳዮች ክትትል ዳይሬክተር ሆኖ የሚከተሉትን ተግባርና ኃላፊነቶች ያከናውናል፡-

1. ከዳይሬክቶሬቱ ዕቅድ ጋር በተናበበ አግባብ የቡድኑን ዕቅድ ያዘጋጃል፣ በስሩ ለሚገኙ ባለሙያዎች ቆጥሮ ይሰጣል፣ ባለሙያዎች እንያዲቅዱ ያደርጋል፣ አፈጻጸሙን በቅርበት ይከታተላል፣
2. በቡድኑ የሚሰጡ አገልግሎቶች በተቀመጠላቸው እስታንዳርድና ተገልጋዩን በሚያረካ ሁኔታ እንዲሰጡ ይከታተላል፣ ያስተባብራል፣
3. በስሩ ያሉ ባለሙያዎች እንዲበቁ፣ እንዲበረታቱ፣ በጋራ የመስራት ባህል እንዲዳብር ያስተባብራል፣
4. የባለሙያ ክህሎትና አመለካከት ክፍተት የሚሞላ ሥልጠና እንዲሰጥ የስልጠና ፍላጎት ይለያል፣ ስልጠና እንዲሰጥ ጥያቄ ያቀርባል፣
5. ለቡድኑ የሚስፈልገውን የስራ መገልገያ ቁሳቁሶች ይለያል እንዲሟላ ጥያቄ ያቀርባል፣ ለባለሙያዎች ያሰራጫል፣ ስራ ላይ ስለመዋሉ ይከታተላል፣ 
6. በክ/ከተሞች ለሚደረግ ድጋፍና ክትትል ዕቅድና ቼክ ሊስት ያዘጋጃል፣ በተቀመጠው መርሃ-ግብር መሰረት ድጋፍና ክትትል ያደርጋል፣ የተዘጋጀውን ሪፖርት ጠምሮ ግብረ-መልስ አዘጋጅቶ ያቀርባል፣
7. ከተለያዩ ፍርድ ቤቶች ለሚቀርቡ ትዕዛዞች ማለትም፡-

• የይዞታ ማረጋገጫ ካርታ ያላቸው ወይም
• ካርታ ያልተሰጣቸው ባለይዞታዎች፣
• ከመሬት ባንክ፣ ማስተላለፍ፣ ካሳ ክፍያ
• ከአርሶ አደር ይዞታዎች ጋር በተያያዘ፣
• ምትክ ቦታና ቤት እንዲሁም ሌሎች የፍ/ብሄር ክርክሮች ጋር በተያያዘ ለሚቀርቡ ልዩ ልዩ ትዕዛዞች የቡድኑን ባለሙያዎች በማስተባበር ማስረጃ ማጣራት እና እንደአስፈላጊነቱ የመስክ ልኬት በማድረግ ማብራሪያ ወይም ምላሽ ወይም ማስረጃ እንዲዘጋጅ ያስተባብራል፣ አረጋግጦ ያቀርባል፣

1. በፍርድ ቤት በሚደረግ ክርክር ወይም ሌሎች የፍትህ አካላት ለሚያቀርቡት የቤት ወይም የህንጻ ግምት ጥያቄ ተገቢውን የስሌት ቀመር በመጠቀም እንዲሰላ ያስተባብራል፣ አረጋግጦ ያቀርባል፣
2. ለፍርድ ቤት በሚሰጡ ምላሾች ላይ ለሚቀርብ የባለሙያ ምስክርነት ትዕዛዝ ተገቢውን ባለሙያ ይመድባል፣ እንደ አስፈላጊነቱም በችሎት በመገኘት ያስረዳል፣
3. ቡድኑ ከሚያከናውናቸው ስራዎች ጋር በተያያዘ ለሚቀርብ ቅሬታ የማጣራት ስራውን ያስተባብራል የተዘጋጀውን ምላሽ አረጋግጦ ያቀርባል፣
4. ከተለያዩ ፍርድ ቤቶች ለሚቀርቡ ልዩ ልዩ ትዕዛዞች በከተማ አስተዳደሩ በጸደቁ ቴክኖሎጂዎች (ሲስተሞች) ይፈጽማል፣ እንዲፈጸም በቡድን ደረጃ ያስተባብራል፣
5. ዕለታዊ፣ ሳምንታዊ፣ ወርሃዊና የሩብ ዓመት የሥራ አፈጻጸሞችን በስሩ ከሚገኙ ባለሙያዎች ጋር ይገመግማል፣ ሪፖርትን ያቀርባል፣ ፡፡
6. በሚቀመጠው አሰራር መሰረት በስሩ የሚገኙ ባለሙያዎችን ይመዝናል፣ ለዳይሬክተሩ ያቀርባል፣
7. በዳይሬክተሩ የሚሠጡትን ሌሎች ተጨማሪ ሥራዎችን ያከናውናል፣